Para 15 سُبْحَانَ الَّذِيا
ﺑِﺴْــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ
•┈┈┈┈••✦✿✦••┈┈┈┈•
■ ﺍﺱ ﭘﺎﺭﮮ ﻣﯿﮟ ﺩﻭ ﺣﺼﮯ ﮨﯿﮟ :
۱۔ ﺳﻮﺭﮦٔ ﺑﻨﯽ ﺍﺳﺮﺍﺋﯿﻞ ﻣﮑﻤﻞ
۲۔ ﺳﻮﺭﮦٔ ﮐﮩﻒ ﮐﺎ ﺯﯾﺎﺩﮦ ﺗﺮ ﺣﺼﮧ
● ( ۱ ) ﺳﻮﺭﮦٔ ﺑﻨﯽ ﺍﺳﺮﺍﺋﯿﻞ ﻣﯿﮟ ﭼﺎﺭ ﺑﺎﺗﯿﮟ ﯾﮧ ﮨﯿﮟ :
۱۔ ﻭﺍﻗﻌﮧ ﻣﻌﺮﺍﺝ
۲۔ ﺑﻨﯽ ﺍﺳﺮﺍﺋﯿﻞ ﮐﺎ ﻓﺘﻨﮧ ﻭﻓﺴﺎﺩ
۳۔ ﺍﺳﻼﻣﯽ ﺁﺩﺍﺏ ﻭ ﺍﺧﻼﻕ
۴۔ ﺩﯾﮕﺮ ﻣﻀﺎﻣﯿﻦ
▪ ۱۔ ﻭﺍﻗﻌﮧ ﻣﻌﺮﺍﺝ :
ﻣﻌﺮﺍﺝ ﺟﺴﻤﺎﻧﯽ ﮨﻮﺋﯽ ﺍﻭﺭ ﺟﺎﮔﻨﮯ ﮐﯽ ﺣﺎﻟﺖ ﻣﯿﮟ۔ ﮨﻤﺎﺭﮮ ﺁﻗﺎ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﻮ ﺭﺍﺕ ﮐﮯ ﻭﻗﺖ ﻣﺴﺠﺪِ ﺣﺮﺍﻡ ﺳﮯ ﻣﺴﺠﺪِ ﺍﻗﺼﯽٰ ﺍﻭﺭ ﭘﮭﺮ ﻭﮨﺎﮞ ﺳﮯ ﺁﺳﻤﺎﻧﻮﮞ ﭘﺮ ﻟﮯ ﺟﺎﯾﺎ ﮔﯿﺎ ﺗﮭﺎ۔
▪۲۔ ﺑﻨﯽ ﺍﺳﺮﺍﺋﯿﻞ ﮐﺎ ﻓﺘﻨﮧ ﻭ ﻓﺴﺎﺩ :
ﺑﻨﯽ ﺍﺳﺮﺍﺋﯿﻞ ﮐﻮ ﭘﮩﻠﮯ ﺳﮯ ﺑﺘﺎ ﺩﯾﺎ ﮔﯿﺎ ﺗﮭﺎ ﮐﮧ ﺗﻢ ﻟﻮﮒ ﺩﻭ ﻣﺮﺗﺒﮧ ﺯﻣﯿﻦ ﻣﯿﮟ ﻓﺴﺎﺩ ﻣﭽﺎﺅ ﮔﮯ، ﭼﻨﺎﻧﭽﮧ ﺍﯾﮏ ﺩﻓﻌﮧ ﺣﻀﺮﺕ ﺷﻌﯿﺐ ﻋﻠﯿﮧ ﺍﻟﺴﻼﻡ ﮐﻮ ﺍﯾﺬﺍ ﭘﮩﻨﭽﺎﺋﯽ ﺗﻮ ﺑﺨﺖ ﻧﺼﺮ ﮐﻮ ﺍﻥ ﭘﺮ ﻣﺴﻠﻂ ﮐﺮ ﺩﯾﺎ ﮔﯿﺎ، ﺩﻭﺳﺮﯼ ﺑﺎﺭ ﺣﻀﺮﺕ ﺯﮐﺮﯾﺎ ﺍﻭﺭ ﯾﺤﯽٰ ﻋﻠﯿﮩﻤﺎ ﺍﻟﺴﻼﻡ ﮐﻮ ﺷﮩﯿﺪ ﮐﺮ ﺩﯾﺎ ﺗﻮ ﺑﺎﺑﻞ ﮐﺎ ﺑﺎﺩﺷﺎﮦ ﺍﻥ ﭘﺮ ﻣﺴﻠﻂ ﮨﻮﮔﯿﺎ۔
▪ ۳۔ ﺍﺳﻼﻣﯽ ﺁﺩﺍﺏ ﻭ ﺍﺧﻼﻕ : ( ﺁﯾﺎﺕ : ۲۳ ﺗﺎ ۳۹ )
ﺍﻟﻠﮧ ﮐﮯ ﺳﻮﺍ ﮐﺴﯽ ﮐﯽ ﻋﺒﺎﺩﺕ ﻧﮧ ﮐﺮﻭ، ﻭﺍﻟﺪﯾﻦ ﮐﮯ ﺳﺎﺗﮫ ﺑﮭﻼﺋﯽ ﮐﺮﺗﮯ ﺭﮨﻮ، ﺭﺷﺘﮧ ﺩﺍﺭﻭﮞ ، ﻣﺴﮑﯿﻨﻮﮞ ﺍﻭﺭ ﻣﺴﺎﻓﺮﻭﮞ ﮐﻮ ﺍﻥ ﮐﺎ ﺣﻖ ﺩﻭ، ﻣﺎﻝ ﮐﻮ ﻓﻀﻮﻝ ﺧﺮﭼﯽ ﻣﯿﮟ ﻧﮧ ﺍﮌﺍﺅ، ﻧﮧ ﺑﺨﻞ ﮐﺮﻭ، ﻧﮧ ﮨﺎﺗﮫ ﺍﺗﻨﺎ ﮐﺸﺎﺩﮦ ﺭﮐﮭﻮ ﮐﮧ ﮐﻞ ﮐﻮ ﭘﭽﮭﺘﺎﻧﺎ ﭘﮍﮮ، ﺍﭘﻨﯽ ﺍﻭﻻﺩ ﮐﻮ ﻣﻔﻠﺴﯽ ﮐﮯ ﮈﺭ ﺳﮯ ﻗﺘﻞ ﻧﮧ ﮐﺮﻭ، ﮐﺴﯽ ﺟﺎﻧﺪﺍﺭ ﮐﻮ ﻧﺎﺣﻖ ﻗﺘﻞ ﻧﮧ ﮐﺮﻭ، ﯾﺘﯿﻢ ﮐﮯ ﻣﺎﻝ ﻣﯿﮟ ﻧﺎﺟﺎﺋﺰ ﺗﺼﺮﻑ ﻧﮧ ﮐﺮﻭ، ﻭﻋﺪﮦ ﮐﺮﻭ ﺗﻮ ﺍﺳﮯ ﭘﻮﺭﺍ ﮐﺮﻭ، ﻧﺎﭖ ﺗﻮﻝ ﭘﻮﺭﺍ ﭘﻮﺭﺍ ﮐﯿﺎ ﮐﺮﻭ، ﺟﺲ ﭼﯿﺰ ﮐﮯ ﺑﺎﺭﮮ ﻣﯿﮟ ﺗﺤﻘﯿﻖ ﻧﮧ ﮨﻮ ﺍﺱ ﮐﮯ ﭘﯿﭽﮭﮯ ﻧﮧ ﭘﮍﻭ، ﺯﻣﯿﻦ ﭘﺮ ﺍﮐﮍ ﮐﺮ ﻧﮧ ﭼﻠﻮ، ﺍﻟﻠﮧ ﮐﮯ ﺳﺎﺗﮫ ﮐﺴﯽ ﮐﻮ ﺷﺮﯾﮏ ﻧﮧ ﮐﺮﻭ۔
▪ ۴۔ ﺩﯾﮕﺮ ﻣﻀﺎﻣﯿﻦ :
ﻗﺮﺁﻥ ﮐﺮﯾﻢ ﮐﯽ ﻋﻈﻤﺖ ، ﺍﺱ ﮐﮯ ﻧﺰﻭﻝ ﮐﮯ ﻣﻘﺎﺻﺪ، ﺍﺱ ﮐﺎ ﻣﻌﺠﺰﮦ ﮨﻮﻧﺎ، ﺍﻟﻠﮧ ﮐﯽ ﻃﺮﻑ ﺳﮯ ﺍﻧﺴﺎﻥ ﮐﻮ ﺗﮑﺮﯾﻢ ﺩﯾﺎ ﺟﺎﻧﺎ ، ﺍﺳﮯ ﺭﻭﺡ ﺍﻭﺭ ﺯﻧﺪﮔﯽ ﺟﯿﺴﯽ ﻧﻌﻤﺖ ﮐﺎ ﻋﻄﺎ ﮨﻮﻧﺎ، ﻧﺒﯽ ﻋﻠﯿﮧ ﺍﻟﺴﻼﻡ ﮐﻮ ﻧﻤﺎﺯِ ﺗﮩﺠﺪ ﮐﺎ ﺣﮑﻢ، ﺣﻀﺮﺕ ﻣﻮﺳﯽٰ ﻋﻠﯿﮧ ﺍﻟﺴﻼﻡ ﺍﻭﺭ ﻓﺮﻋﻮﻥ ﮐﺎ ﻗﺼﮧ ، ﻗﺮﺁﻥ ﮐﺮﯾﻢ ﮐﮯ ﺗﮭﻮﮌﺍ ﺗﮭﻮﮌﺍ ﻧﺎﺯﻝ ﮨﻮﻧﮯ ﮐﯽ ﺣﮑﻤﺖ، ﺍﻟﻠﮧ ﺗﻌﺎﻟﯽٰ ﮐﺎ ﺷﺮﯾﮏ ﺍﻭﺭ ﺍﻭﻻﺩ ﺳﮯ ﭘﺎﮎ ﮨﻮﻧﺎ ﺍﻭﺭ ﺍﺳﻤﺎﺋﮯ ﺣﺴﻨﯽ ﮐﮯ ﺳﺎﺗﮫ ﻣﺘﺼﻒ ﮨﻮﻧﺎ۔
● ( ۲ ) ﺳﻮﺭﮦٔ ﮐﮩﻒ ﮐﮯ ﺍﺑﺘﺪﺍﺋﯽ ﺣﺼﮯ ﻣﯿﮟ ﺩﻭ ﺑﺎﺗﯿﮟ ﯾﮧ ﮨﯿﮟ :
۱۔ ﺩﻭ ﻗﺼﮯ
۲۔ ﺩﻭ ﻣﺜﺎﻟﯿﮟ
▪ ۱۔ ﺩﻭ ﻗﺼﮯ :
ﭘﮩﻼ ﻗﺼﮧ ﺍﺻﺤﺎﺏ ﮐﮩﻒ ﮐﺎ : ﯾﮧ ﻭﮦ ﭼﻨﺪ ﺻﺎﺣﺐ ﺍﯾﻤﺎﻥ ﻧﻮﺟﻮﺍﻥ ﺗﮭﮯ ﺟﻨﮭﯿﮟ ﺩﻗﯿﺎﻧﻮﺱ ﻧﺎﻣﯽ ﺑﺎﺩﺷﺎﮦ ﺑﺖ ﭘﺮﺳﺘﯽ ﭘﺮ ﻣﺠﺒﻮﺭ ﮐﺮﺗﺎ ﺗﮭﺎ، ﻭﮦ ﮨﺮ ﺍﯾﺴﮯ ﺷﺨﺺ ﮐﻮ ﻗﺘﻞ ﮐﺮ ﺩﯾﺘﺎ ﺗﮭﺎ ﺟﻮ ﺍﺱ ﮐﯽ ﺷﺮﮐﯿﮧ ﺩﻋﻮﺕ ﮐﻮ ﻗﺒﻮﻝ ﻧﮩﯿﮟ ﮐﺮﺗﺎ ﺗﮭﺎ، ﺍﻥ ﻧﻮﺟﻮﺍﻧﻮﮞ ﮐﻮ ﺍﯾﮏ ﻃﺮﻑ ﻣﺎﻝ ﻭ ﺩﻭﻟﺖ ﮐﮯ ﺍﻧﺒﺎﺭ ، ﺍﻭﻧﭽﮯ ﻋﮩﺪﻭﮞ ﭘﺮ ﺗﻘﺮﺭ ﺍﻭﺭ ﻣﻌﯿﺎﺭِ ﺯﻧﺪﮔﯽ ﮐﯽ ﺑﻠﻨﺪﯼ ﺟﯿﺴﯽ ﺗﺮﻏﯿﺒﺎﺕ ﺩﯼ ﮔﺌﯿﮟ ﺍﻭﺭ ﺩﻭﺳﺮﯼ ﻃﺮﻑ ﮈﺭﺍﯾﺎ ﺩﮬﻤﮑﺎﯾﺎ ﮔﯿﺎ ﺍﻭﺭ ﺟﺎﻥ ﺳﮯ ﻣﺎﺭ ﺩﯾﻨﮯ ﮐﯽ ﺩﮬﻤﮑﯿﺎﮞ ﺩﯼ ﮔﺌﯿﮟ، ﺍﻥ ﻧﻮﺟﻮﺍﻧﻮﮞ ﻧﮯ ﺍﯾﻤﺎﻥ ﮐﯽ ﺣﻔﺎﻇﺖ ﮐﻮ ﮨﺮ ﭼﯿﺰ ﭘﺮ ﻣﻘﺪﻡ ﺟﺎﻧﺎ ﺍﻭﺭ ﺍﺳﮯ ﺑﭽﺎﻧﮯ ﮐﯽ ﺧﺎﻃﺮ ﻧﮑﻞ ﮐﮭﮍﮮ ﮨﻮﺋﮯ، ﭼﻠﺘﮯ ﭼﻠﺘﮯ ﺷﮩﺮ ﺳﮯ ﺑﮩﺖ ﺩﻭﺭ ﺍﯾﮏ ﭘﮩﺎﮌ ﮐﮯ ﻏﺎﺭ ﺗﮏ ﭘﮩﻨﭻ ﮔﺌﮯ، ﺭﺍﺳﺘﮯ ﻣﯿﮟ ﺍﯾﮏ ﮐﺘﺎ ﺑﮭﯽ ﺍﻥ ﮐﮯ ﺳﺎﺗﮫ ﺷﺎﻣﻞ ﮨﻮﮔﯿﺎ، ﺍﻧﮭﻮﮞ ﻧﮯ ﺍﺱ ﻏﺎﺭ ﻣﯿﮟ ﭘﻨﺎﮦ ﻟﯿﻨﮯ ﮐﺎ ﺍﺭﺍﺩﮦ ﮐﯿﺎ، ﻭﮦ ﺟﺐ ﻏﺎﺭ ﻣﯿﮟ ﺩﺍﺧﻞ ﮨﻮﮔﺌﮯ ﺗﻮ ﺍﻟﻠﮧ ﻧﮯ ﺍﻧﮭﯿﮟ ﮔﮩﺮﯼ ﻧﯿﻨﺪ ﺳﻼﺩﯾﺎ، ﯾﮩﺎﮞ ﻭﮦ ﺗﯿﻦ ﺳﻮ ﻧﻮ ﺳﺎﻝ ﺗﮏ ﺳﻮﺗﮯ ﮨﺮﮮ، ﺟﺐ ﻧﯿﻨﺪ ﺳﮯ ﺑﯿﺪﺍﺭ ﮨﻮﺋﮯ ﺗﻮ ﮐﮭﺎﻧﮯ ﮐﯽ ﻓﮑﺮ ﮨﻮﺋﯽ، ﺍﻧﻤﯿﮟ ﺳﮯ ﺍﯾﮏ ﮐﮭﺎﻧﺎ ﺧﺮﯾﺪﻧﮯ ﮐﮯ ﻟﯿﮯ ﺷﮩﺮ ﺁﯾﺎ، ﻭﮨﺎﮞ ﺍﺳﮯ ﭘﮩﭽﺎﻥ ﻟﯿﺎ ﮔﯿﺎ، ﺗﯿﻦ ﺻﺪﯾﻮﮞ ﻣﯿﮟ ﺣﺎﻻﺕ ﺑﺪﻝ ﭼﮑﮯ ﺗﮭﮯ، ﺍﮨﻞِ ﺷﺮﮎ ﮐﯽ ﺣﮑﻮﻣﺖ ﮐﺐ ﮐﯽ ﺧﺘﻢ ﮨﻮﭼﮑﯽ ﺗﮭﯽ ﺍﻭﺭ ﺍﺏ ﻣﻮﺣﺪ ﺑﺮﺳﺮ ﺍﻗﺘﺪﺍﺭ ﺗﮭﮯ، ﺍﯾﻤﺎﻥ ﮐﯽ ﺧﺎﻃﺮ ﮔﮭﺮﺑﺎﺭ ﭼﮭﻮﮌﻧﮯ ﻭﺍﻟﮯ ﯾﮧ ﻧﻮﺟﻮﺍﻥ ﺍﻥ ﮐﯽ ﻧﻈﺮ ﻣﯿﮟ ﻗﻮﻣﯽ ﮨﯿﺮﻭﺯ ﮐﯽ ﺣﯿﺜﯿﺖ ﺍﺧﺘﯿﺎﺭ ﮐﺮﮔﺌﮯ۔
¤ ﺩﻭﺳﺮﺍ ﻗﺼﮧ ﺣﻀﺮﺕ ﻣﻮﺳٰﯽ ﺍﻭﺭ ﺧﻀﺮ ﻋﻠﯿﮩﻤﺎ ﺍﻟﺴﻼﻡ ﮐﺎ : ﺍﺱ ﮐﺎ ﺫﮐﺮ ﺍﮔﻠﮯ ﭘﺎﺭﮮ ﮐﮯ ﺷﺮﻭﻉ ﻣﯿﮟ ﮨﻮﮔﺎ۔
▪ ۲۔ ﺩﻭ ﻣﺜﺎﻟﯿﮟ :
ﭘﮩﻠﯽ ﻣﺜﺎﻝ : ﺩﻭ ﺷﺨﺺ ﺗﮭﮯ، ﺍﯾﮏ ﮐﮯ ﺑﺎﻏﺎﺕ ﺗﮭﮯ ﺍﻭﺭ ﺩﻭﺳﺮﺍ ﻏﺮﯾﺐ ﺗﮭﺎ، ﺑﺎﻏﺎﺕ ﻭﺍﻻ ﺍﮐﮍﺗﺎ ﺗﮭﺎ، ﻏﺮﯾﺐ ﻧﮯ ﮐﮩﺎ ﺍﮐﮍ ﻧﮩﯿﮟ ﻣﺎﺷﺎﺀ ﺍﻟﻠﮧ ﮐﮩﺎ ﮐﺮ، ﻭﮦ ﻧﮧ ﻣﺎﻧﺎ ﺍﻟﻠﮧ ﮐﺎ ﻋﺬﺍﺏ ﺁﯾﺎ ﺍﻭﺭ ﺍﺱ ﮐﮯ ﺑﺎﻏﺎﺕ ﺟﻞ ﮔﺌﮯ ﻭﮦ ﺷﺮﻣﻨﺪﮦ ﮨﻮﮔﯿﺎ۔
¤ ﺩﻭﺳﺮﯼ ﻣﺜﺎﻝ : ﺩﻧﯿﺎﻭﯼ ﺯﻧﺪﮔﯽ ﮐﯽ ﻣﺜﺎﻝ ﺍﯾﺴﯽ ﮨﮯ ﺟﯿﺴﮯ ﺁﺳﻤﺎﻥ ﺳﮯ ﭘﺎﻧﯽ ﺑﺮﺳﺎ، ﺯﻣﯿﻦ ﺳﺮﺳﺒﺰ ﮨﻮﮔﺌﯽ، ﮐﭽﮫ ﻋﺮﺻﮯ ﺑﻌﺪ ﺳﺐ ﮐﭽﮫ ﺳﻮﮐﮫ ﮐﺮ ﭼﻮﺭﺍ ﭼﻮﺭﺍ ﮨﻮﮔﯿﺎ۔
🌹🍃🌹🍂🌹🍃🌹🍂🌹🍃🌹🍂🌹🍃🌹🍂🌹🍂🌹🍃🌹🍂
______________